-
“O traballo
dos cidadáns e a unión foron determinantes para que se reformule o proxecto de
Lei,pero non nos fiamos” afirma González Aller.
-
“Non sabemos de qué presume Crespo pois é o
seu partido quen nos meteu neste lío” sinalan dende o PsdeG-PSOE.
Manuel González Aller ,voceiro dos
socialistas lalinenses reccionou hoxe ante a probable marcha atrás do Ministro
Gallardón coa reforma da Xustiza que quería eliminar os partidos xudiciais.
Dende o Grupo Municipal Socialista de Lalín sinalan que “ata que se saiba como
vai quedar a reforma a nosa posición é de satisfacción cautelosa”.
Para os socialistas lalinenses agora mesmo
“non está claro que vai pasar pois afirmaron dicindo que os tribunais de
instancia estarán so en Vigo e Pontevedra polo que esperemos que non deixen uns
partidos xudiciais sen contido, ou sexa uns tribunais pero sen xuízes”. Para
González Aller o certo é que “temos moito que desconfiar de Gallardón pois
deixanos sen Rexistro Civil, puxo taxas xudiciais que lastran o acceso a
Xustiza e retrae dereitos as mulleres coa reforma do Lei da Interrupción do
Embarazo polo que del fiamonos moi pouco”.
Os socialistas consideran que Crespo debera
deixar de presumir pois “todo o mundo coñece a súa posición inicial que foi de
agocharse para que outros levaramos a iniciativa contra esta decisión do
Goberno do seu partido” . O voceiro socialista lembra que “foi tras unha moción
nosa hai xa 3 mese cando Crespo empezou a virar cara a unha postura mais
razoable como alcalde de Lalín” e suliña tamén como o PP “houbo momentos que
diciía cousas diferentes fora Vigo, fora Lalín ou fora Santiago”
Dende o PSdeG-PSOE afirman que “se esta
reforma da marcha atrás será mérito dos profesionais
,funcionarios,avogados,procuradores,etc e tamén da presión da veciñanza que non
entendía un alonxamento da Xustiza e unha perda para Lalín dese calibre”.
González Aller finalmente considera “cando
volvamos saber da reforma e estea xa negro sobre branco, seguramente en
setembro, considero que todas as partes teriamos que valorar de novo se en
Lalín vaise seguir mantendo o mesmo que tiñamos ata agora”
No hay comentarios:
Publicar un comentario