-
González
Aller afirma que “cando se gastan esa barbaridade de cartos públicos e non se
explica a política alónxase dos cidadáns”.
-
“Gastar 850
mil euros nunha sala de 299 m2 esixe luz e taquígrafos ” afirma González Aller.
Os socialistas lalinenses afirman que
“a xente na rúa non entende cómo é posible gastar 850 mil euros nun museo
virtual dos castros que ninguén pideu polo que ve necesario que o alcalde
explique con detalle en que se van gastar eses cartos”
Para González Aller “é moi necesario ser
transparente e dar explicacións, achegarse aos cidadáns e dicirlle que nestes
momentos que hai necesidades básicas sen cubrir vaise meter semellante
cantidade de diñeiro nun investimento que non é prioritario a todas luces” e
lémbralle a Crespo que “non facelo é alonxar a política das persoas e facer
incomprensible a acción política”.”Cando dende un organismo público se gastan
case 3000 euros m2 por habilitar unha sala xa construída como museo virtual é
necesario dar moitas explicacións e esperemos que o alcalde o faga” afirma o
voceiro socialista.
O Grupo Municipal Socialista presentará para o
vindeiro Pleno unha moción de comparecencia para que o alcalde dea conta de en
qué consiste ese investimento, o volume estimado de visitantes, o proxecto
cultural no que se enmarca e cómo se pretende manter esa infraestrutura no
tempo “pois todos sabemos que as cousas non so gastan cando se fan e Crespo é
un experto en meternos pufos en gastos de mantemento: Concello,Arena,nova
piscina...”
Esperan os socialistas que Crespo non se
escude en que os cartos veñen de Europa e da Deputación “pois son todos cartos
dos cidadáns e que se van investir en Lalín polo que Crespo terá que dicirlle
aos lalinenses por qué se prefire ese investimento a outros alternativos, pois
o proxecto Depodeza non obriga a facer un museo destas características como
tampouco obriga a investigar o porco Lalaino,outra das ococrrencias de Crespo”
No hay comentarios:
Publicar un comentario