O INTENTO DE ENGANO AO POBO DE LALIN DE ROMAN RODRIGUEZ E A SÚA IGNORANCIA NON TEÑEN LÍMITES

-        A pesar de que Román Rodríguez quere “tapar o sol cunha man”, en Lalín todo o mundo sabe que é o goberno do Partido Popular de Rajoy e Gallardón o que leva meses intentando sacarlles os xulgados a Lalín

-        Aínda que Román Rodríguez o quere ocultar, todo o mundo en Lalín sabe que Crespo non fixo nada para que o goberno dos seus amigos non lle sacara os xulgados a Lalín

-        A habitual ignorancia temeraria de Román Rodríguez chega ao extremo inaudito de convertelo nun reformador unilateral da Constitución

Os socialistas de Lalín cremos que o concelleiro Román Rodríguez falta o respecto ao pobo de Lalín e insulta a súa intelixencia ao intentar enganar á xente ocultando a triste realidade que todo o mundo coñece, de que é o goberno do Partido Popular de Rajoy e Gallardón o que leva tempo intentando prexudicar a Lalín deixandoo sen  xulgados e sen partido xudicial, desde que hai meses que aprobou o Consello de Ministros o anteproxecto de Lei de modificación da Lei órganica do poder xudicial

Pero non conforme con esta burla e desfachatez o concelleiro Rodríguez nun intento burdo pero estéril de seguir enganando á xente, cualifica eufemisticamente como “prudente” a nula actitude de Crespo na defensa do xulgados de Lalín, xa que todo o mundo observou decepcionado, como mentres outros alcaldes mesmo de seu partido, reivindicaron contundentemente os xulgados para as súas vilas, Crespo estivo nunha actitude tan tibia e pasiva, na que non foi nin quen de comentarllo a Rajoy a noite que estivo con el de copas por Lalín, que obrigou aos partidos da oposición ao pobo de Lalín e sobre todo aos avogados/as e procuradores a tomar a iniciativa de poñerse ao frente da defensa dos xulgados de Lalín, porque lamentablemente Crespo “nin estaba nin se lle esperaba”, e á hora de elixir entre Lalín e o seu partido deixou ao seu pobo abandoado e púxose claramente de lado do Partido Popular que pretende prexudicar os intereses de Lalín.

Ao mesmo tempo os socialistas e o pobo de Lalín non podemos deixar de estar perplexos e estupefactos ante o novo protagonismo que acaba de asumir o concelleiro Román Rodríguez que nun exercicio sen precedentes de ignorancia temeraria ponse a reformar unilateralmente a Constitución Española ao manifestar que a que él lle chama a “cúpula” do CGPJ, (Consejo General del Poder Judicial) está formada por 6 membros.

Non deixa de ser cando menos curioso que mentres o Partido Popular é moi reacio a reformar a Constitución, o concelleiro Rodríguez asumindo un papel para o que cremos que non está facultado legalmente modifique de facto a nosa “Carta Magna”, descoñecendo que a Constitución Española no seu artigo 122.3 contempla que o CGPJ está composto por 20 membros propostos polo Congreso e o Senado, máis o seu presidente, que todos forman o Pleno deste órgano (a denominada por Rodríguez como “cúpula”) que por certo, na actualidade son maioritariamente propostos polo PP en reflexo da maioría absoluta deste partido en ambas Cámaras lexislativas.

Os socialistas lamentamos profundamente que un representante político que debía ser un referente para o resto da sociedade faga un dos ridículos máis espantosos poñendo de manifesto que como é xa habitual nel, que opina de todos os temas pero sen o máis mínimo rigor nin coñecemento, polo que ao señor Rodríguez se lle recoméndamos que nas súas manifestacións teña a “prudencia” que lle sobrou a Crespo na defensa dos xulgados de Lalín, e nos ofrecemos a clarexarlle dúbidas e a ilustralo en asuntos que descoñeza para que a xente non se alarme tanto ao percatarse como poden estar de mal xestionados os seus intereses en mans dunha persoa sen coñecementos no ámbito público.