O PSDEG- PSOE DE LALÍN DENUNCIA “O DESPILFARRO CRECENTE DO ALCALDE NUN PERÍODO DE MÁXIMA NECESIDADE SOCIAL”

-       González Aller asombrado: “Non lles chagaban 850 mil euros para un Museo Virtual que o suben a 1 millón de euros”

-       “Mentras a pobreza está na boca da xente o Lalaíno e os castros virtuais lévanse 3 veces o gasto anual en dependencia” sentencian os socialistas.

  A principios do pasado mes de xuño o voceiro socialista xa denunciaba o despilfarro que supoñía dedicar 850 mil euros a un museo virtual dos castros no Concello de Lalín e lembra “que chamounos moito a atención que sen necesidade de facer un edificio se puidera gastar esas cantidade nun Museo virtual,era unha barbaridade”. Pero o asombro socialista foi crecendo estes últimos días ao coñecerse que “lonxe de baixar, os orzamentos para ese Museo, creceron xa ata o millón de euros en no se sabe ben qué” e afirma que “parece un auténtico timo: van meter un millón de euros virtual en 300m2, sen ter que construir nada pois o espazo xa está feito”.

 O voceiro socialista lamenta que “nun periodo de emerxencia social ,onde a pobreza está a orde do día,no que falamos de problemas de alimentación infantil en Lalín despilfárranse os cartos públicos dun xeito indecente”. Para os socialistas a desconexión de Crespo coa realidade “é evidente pois entre este museo virtual e o proxecto completo do Lalaíno vanse gastar o triple que o que dedica o Concello a  Dependencia ou Emerxencia Social”.

 González Aller afirma que “todo o relacionado con estes proxectos dos castros é moi estrano,pois dedican millóns de investimento a eles pero non arranxan ningún dos mais de 50 que hai en Lalín,  sería mais beneficioso para o turismo e pola contra vemos como cartos que veñen de Europa se enterran sen sentido”.

 Os socialistas destacan que apoiarían investimentos que de verdade foran productivos ou dimesionados e pregúntanse se “existe un estudio previo do rendemento futuro deste investimento, cómo se decide gastar os cartos así sen saber do seu retorno” e afirma que tales preguntas trasladaranllas ao alcalde no vindeiro Pleno xunto con outra que consideran decisiva: “preguntarémoslle a Crespo se considera este investimento como algo priroritario: se o pon por diante da promoción do emprego,ou por riba da loita contra a desigualdade social que se pode facer dende o Concello”.

 Ademais o Grupo Socialista na Deputación pedirá toda a documentación relativa a dito proxecto para “poder saber con detalle de qué se trata,pois parece simplemente un comecartos aos cidadáns”