O PSDEG-PSOE DE LALÍN LAMENTA QUE O PP “CONDENE A LALÍN A TER A PEAXE MAIS ALTA DE ESPAÑA NA AP-53”

O PSDEG-PSOE DE LALÍN LAMENTA QUE O PP “CONDENE A LALÍN A TER A PEAXE MAIS ALTA DE ESPAÑA NA AP-53”

-        “Agora negan o traspaso porque atoparon xa novas excusas” afirma González Casares.

-        “Despois de tantos anos de enganos e promesas falsas xa sabemos as verdadeiras intencións do PP: manter a estafa como sexa” lamentan dende o PsdeG-PSOE local

-         Consideran “moi lamentable que a Ministra e deputada por Pontevedra Ana Pastor condene deste xeito o futuro de Lalín”

  Despois de 3 anos de Goberno do PP en Madrid con Rajoy e 5 en Galicia con Feijóo vese de xeito definitivo que “todo o montado polos populares con respecto á rebaixa da peaxe da AP-53 era simplemente un engano aos veciños e veciñas de Lalín” sinalou Nicolás González Casares, Sº Xeral dos socialistas lalinenses quen engadíu que “o PP  puxo a peaxe mais alta do Estado hai mais de 10 anos e o mesmo PP nega a súa rebaixa despois de tela prometido en multitude de ocasións”.

 Estas novedades que sinalan dende o PSOE de Lalín veñen dadas tras as contestacións dos populares ás preguntas da Senadora Paula Fernández Pena que obtivo como resposta que o traspaso da AP-53 á Xunta de Galicia non está prevista nos plans do Ministerio.

 “Como é ben sabido Crespo e Feijóo prometeron en campaña tanto en 2009 como en 2012 á rebaixa da peaxe da AP-53 en varias ocasións mentras o PSOE gobernaba en Madrid,ao chegar Rajoy ao Goberno fiaron esa rebaixa á o seu traspaso á Xunta de Galicia e hoxe vemos como era todo un engano para tomarlle o pelo aos cidadáns do Deza” denuncia González Casares.

 Os socialistas pregúntanse “onde queda a belixerancia de Crespo?, onde están os seus berros contra a peaxe?,onde está o alcalde que poñía pancartas cando gobernaba o PSOE?, a resposta é simple: caladiño, esperando recibir palmaditas dos seus xefes por traizoar os intereses dos lalinenses. O alcalde de Lalín foi deixado en ridículo” e afirman que é unha mágoa o descrédito do alcalde “pois supostamente tamén nomeamos fillo adoptivo ao ex-conselleiro Hernández polo seu traballo a prol  do traspaso da AP-53,unha vergoña”.

 Para González Casares tamén resulta moi significativo que dende o PP xa inventaron unha nova excusa para non traspasar e rebaixar á peaxe “que a AP-53 forma parte de vías que unen Galicia coa meseta, co cal xa temos unha nova derivada da resistencia dos populares ao traspaso e posterior rebaixa.

 Por último os socialistas lamentan a perda de capacidades de Crespo con respecto a Rajoy e Pastor  “visitano en Lalín,tómanse algo con él pero logo nos asuntos que preocupan aos lalinenses recibe unha sonora labazada” e afirman que “se  nomeou a Agustín Hernández fillo adoptivo por non facer nada que prepare xa un expediente para nomear á deputada por Pontevedra e Ministra de Fomento ,Ana Pastor,persoa non grata”