OS SOCIALISTAS DENUNCIAN A COMPLICIDADE DE CRESPO PARA REMATAR CO PARTIDO XUDICIAL DE LALÍN

• “En Cangas, en Santiago, en Cambados...o PP defende a permanencia da situación actual, o único que non defende a súa vila é Crespo” denuncia González Aller.
• “Que vote a nosa moción e retire a súa, iso sería clarificador” sinalan os socialistas.
• O PSdeG-PSOE presentará en todos os concellos do Deza mocións a favor de mante a Administración de Xustiza en Lalín.

O PSdeG-PSOE de Lalín denunciou hoxe a complicidade de Crespo cos seus xefes do PP en Madrid que queren desmantelar o sistema de Partidos Xudiciais e acabar co histórico Partrido Xudicial de Lalín e alonxar a Xustiza dos cidadáns.

Manuel González Aller lamenta que “non se sabe ben en qué postura está Crespo, un día di unha cousa e ao outro di a contraria, pero o certo é que no Concello presentaron unha moción que non defende o Partido Xudicial de Lalín ou a permanencia dos Xuzgados” polo que os cidadáns “decátanse de que os intereses do alcalde non semellan ser os mesmos que os da súa vila e os está vendendo políticamente”.

Así os socialistas comparan a postura de Crespo coa doutros rexidores do seu mesmo signo que sí teñen sido moito mais claros para que se repecten os seus Partidos Xudiciais e mesmo teñen realizadas mocións conxuntas cos outros partidos para a súa defensa: “En Cambados, en Santiago ou en Cangas sí se enfrotan aos seus polo ben da súa vila,Crespo so trata de pasar desapercibido sen amolar aos seus xefes”.Enlaces: http://www.farodevigo.es/portada-arousa/2014/04/22/cambados-vilagarcia-debaten-mociones-supresion/1009215.html http://www.lavozdegalicia.es/noticia/santiago/2014/04/23/acuerdo-unanime-santiago-defensa-partido-judicial/0003_201404S23C1992.htm

http://www.farodevigo.es/portada-o-morrazo/2014/04/09/sotelo-tilda-desproposito-cuestionar-partido/1001865.html

Para os socialistas de Lalín a solución para clarificar posturas semella sinxela “que apoie a nosa moción que so ten 3 puntos que merecen pouca discusión: o rexeitamento a este proxecto pola desaparición do Partido Xudicial de Lalín, que se manteña o Partido Xudicial de Lalín e que se manteña a dotación da Xustiza en Lalín” e lamentan que “se non é capaz de dicir que sí a estes puntos está traizoando a súa vila dun xeito vergoñento”.

Ademais os grupos municipais Socialistas da comarca presentarán mocións na mesma liña que os socialistas lalinenses pedindo dun xeito inequívoco a “permanencia da Xustiza na cabeceira da comarca e que non se lles alonxe esta administración pois supón un grave prexuízo para todos os homes e mulleres do Deza”