OS SOCIALISTAS AFIRMAN QUE O PP “APUÑALA A LALÍN CO ANTEPROXECTO DE REFORMA XUDICIAL”

-        “Deixar a Lalín sin ser cabeceira do partido xudicial é un retroceso de case dous séculos” lamenta González Aller.

-        Os socialistas instan a Crespo “a posicionarse xa en contra da reforma e defender o seu pobo”.

-        O PSdeG-PSOE local afirma que as consecuencias para Lalín serán devastadoras.

-        “Os cidadáns serán os perdedores desta reforma ao ver como se alonxa a Xustiza” afirman os socialistas.

 Os socialistas reaccionaron de forma enérxica ao anteproxecto de Lei Orgánica do Poder Xudicial aprobado polo Goberno do PP o pasado venres e no que se da morte aos  Partidos Xudicias e se crea un so Tribunal Provincial do que poderían depender outros estamentos.

 Para os socialistas esta decisión do Goberno de Rajoy “apuñala a Lalín, supón unha ferida de morte porque o Partido Judicial foi un dos alicerces que convirteu a Lalín en capital da comarca do Deza e manten unha estrutura administrativa que non se pode perder se queremos seguir sendo unha referencia na Galicia interior”.

 Para González Aller,voceiro socialista, “deixar a Lalín sen xuzgados ou adelgazalos como primeiro paso para a súa desaparición supón un retroceso de case dous séculos para a nosa vila, un golpe do PP e ao noso Concello que é desproporcionado e brutal”.

 “A cabeceira xudicial, os Xuzgados, avogados,xuíces ,fiscais,procuradores, administrativos...son moitos os profesionais que se verían desprazados a Pontevedra, moitas familias, postos de traballo e sobretodo unha referencia que fai que veñan a Lalín diaramente moitos administrados e outros profesionais doutras zonas” afirma González Aller quen denuncia que “en definitiva é levarse riqueza asentada en Lalín e trasladala a Pontevedra,unha salvaxada co marchamo do PP”.

 Por outra banda dende o PSOE local esperan “unha resposta firme e contundente de Crespo,pois trátase dun ataque contra Lalín que non se pode permitir e non entendemos como non está xa na pelexa” e consideran que o alcalde de Lalín “tan belixerante cando se trataba dos gobernos socialistas ten agora unha oportunidade para deixar de mostrarse como un alcalde folcórico e oportunista e de verdade reclamar Xustiza para á súa vila” .Por último aseguran que “non imos pasar por outra cousa que non sexa manter o Partido Xudicial de Lalín sen ningunha rebaixa”.

 Para O PsdeG-PSOE de Lalín as consecuencias “van ser nefastas para Lalín, simplemente no plano simbólico xa é unha barbaridade pero é que ademais isto sí que vai afectar demográficamente” e lamentan “tanto pelexar polos 20 mil habitantes e vai vir o PP a deixarnos sen eles”.

 Dende o PsdeG-PSOE tamén afirman nesta primeira valoración “que o alonxamento da Xustiza so beneficia á Administración e non aos cidadáns que ven como se alonxa un servixo para que non recurran a él logo de imporlle taxas que so benefician aos ricos”.