“Veñen falar dun aumento de beneficios irreal pero non viñeron falar de cando as perdas eran millonarias” lamentan Nicolás G. Casares
Os
socialistas lalinenses criticaron hoxe ao PP local pola recente
visita do senador López Veiga para falar cos gandeiros e que
“debuxou un mundo de marabillas no que os gandeiros da zona seica
gañan millóns e millóns de euros” e lamentan que “se achega
unha campaña electoral e como non saben a quen sacar de candidatos
falan o primeiro que se lles acorda”.
Para
o SºXeral dos socialistas lalinenses, Nicolás González Casares,
resulta lamentable que Crespo e o PP “estean tratando de enganar a
poboación e facer crer que se o prezo da leite subeu nos últimos
tempos todo ese aumento se foi en beneficios” e sinala que dicir
que “o beneficio dos gandeiros é de 18 céntimos por litro é
enviar unha mensaxe falsa e envenenada aos posibles consumidores e á
industria da distribución”.” Parece que dende o PP son os
agoreiros da industria e veñen poñerse medallas agora que xa se
apreza unha baixada do leite en orixe” afirman dende o PsdeG-PSOE
local.
“Se
o leite estaba a 28 céntimos e agora está a 38 é unha boa
noticia,pero cando estaba baixo os gandeiros perdían cartos cada día
que producían leite” afirman os socialistas que engaden que “
daquela non facían contas das perdas millonarias que tivo o sector e
que fixo desaparecer a moitas explotacións da zona”.
Para
os socialistas o PP quere trasladar aos gandeiros o triunfalismo do
Goberno Central “do mantra de que estamos saíndo da crise, pero
esta non rematará para os gandeiros ata que poidan desfacerse das
débedas contraídas nos últimos anos “ e afirman que en lugar do
triunfalismo traballen por despexar incógnitas relativas ás axudas
da PAC ou arredor da sobretaxa”
No hay comentarios:
Publicar un comentario