PLENO ORDINARIO CORRESPONDENTE Ó MES DE XANEIRO DE 2014.ROGOS E PREGUNTAS.

 

 1.-PREGUNTAS QUE FORMULA O CONCELLEIRO ABAIXO ASINANTE EN RELACIÓN CO CENTRO DE DÍA PÚBLICO EN LALÍN.

Na etapa do goberno bipartito na Xunta de Galicia, en concreto en agosto do ano 2005, a consellería de Vicepresidencia asina un convenio co concello de Lalín para a construción dun centro de día. Pouco despois, materializábase a cesión por parte do concello á Xunta dunha parcela no Regueiriño para tal fin. Despois do tempo transcorrido, estamos absolutamente seguros de que se o goberno da xunta fose doutro partido, o Sr. Crespo estaría demandando todos os días a súa construción, algo que por suposto non está facendo agora como por outra parte era de esperar pola actitude que ven demostrando ante os sucesivos e reiterados incumprimentos do seu partido, nas distintas administración que goberna, con Lalín; pero o que non esperabamos é que fose mais alá e que o propio alcalde mesmo descartase persoalmente unha inversión, como neste caso a dun centro de día de carácter público, que no seu día consideraba como algo  «prioritario e de vital importancia para Lalín».

En relación con este tema preguntamos:

1ª.- ¿Segue mantendo a súa afirmación pública de mediados deste mes de xaneiro de que “temos dous centros de día baleiros en Lalín”?.

2ª.-¿Por que Vde. se atreve a descartar definitivamente a construción dun centro público de día en Lalín, cando nin sequera a propia conselleira se atreveu a facelo?.

3º.-¿Cómo lle explica a todos os cidadáns de Lalín que o seu alcalde renuncia á construción do que sería o único centro de día de carácter público de Lalín e da súa comarca?.

2.-PREGUNTAS QUE FORMULA O CONCELLEIRO ABAIXO ASINANTE EN RELACIÓN COA CAMPAÑA DE EMPADRONAMENTO .

En novembro do ano pasado o Sr. Alcalde  calculaba que en Lalín residían entre 900 e 1000 persoas que non estaban empadroadas e iniciaba unha campaña na que se marcaba como meta conseguir que a metade delas se censasen en Lalín ó longo desa campaña. Para iso falábase de “accións complementarias” para incrementar o padrón como “bonificacións fiscais”, “recuperar os incentivos económicos por nacemento”, “fomento de emprego” ou “medidas en materia de vivenda”.

A principios deste mes o Sr. Alcalde presentaba os datos da campaña de empadroamento dicindo textualmente: «A campaña puido ser mellor, pero foi razoablemente ben. Empadroáronse 130 persoas por riba da media habitual”.

En relación con este tema formúlanse as seguintes preguntas:

1ª.- ¿Que accións complementarias concretas das citadas anteriormente se puxeron en marcha ó longo desta campaña?.

2ª.-¿Cómo explica que a campaña foi “razoablemente ben”, cando non se acadou nin o 30% do obxectivo previsto?.

3ª.-¿Vanse a aplicar algunhas medidas complementarias na prolongación da campaña que Vde. anunciou públicamente a principios deste mes?.¿Cales serían esas medidas no seu caso?.

4ª.-Ata dous alcaldes do P.P. de concellos da nosa comarca, coas súas respectivas familias, residen en Lalín. ¿Consigueu Vde. empadronalos en Lalín nesta campaña?. En caso negativo ¿vai a intentalo na súa prolongación?.

3.-PREGUNTAS QUE FORMULA O CONCELLEIRO ABAIXO ASINANTE EN RELACIÓN CO EXPEDIENTE ABERTO NO SEU DÍA A UN FUNCIONARIO MUNICIPAL.

Con data 22 de marzo de 2013, unha empresa da localidade presentou no rexistro xeral do concello un escrito no que se responsabilizaba a un funcionario municipal de presuntas irregularidades na tramitación do expediente urbanístico Proxecto de Urbanización AR-MP12. Con data 2 de maio de 2013 resólvese incoar expediente sancionador, aínda que por erro na determinación do procedemento aplicable, anúlase esa resolución e dítase unha nova o 20 de maio de 2013 incoando de novo o expediente disciplinario.

Transcorridos mais de 10 meses da denuncia, e mais de 8 meses da incoación do expediente, nada se coñece do seu estado ou da súa resolución.

En relación con este tema, pregúntase:

1ª.- ¿En que fase se atopa dito expediente?.

2ª.-¿Existe –a día da data de contestación a esta pregunta- algunha resolución (provisional ou definitiva) sobre o expediente.

4.-PREGUNTAS QUE PRESENTA O CONCELLEIRO ABAIXO ASINANTE NO PLENO ORDINARIO DE XANEIRO POR IMPEDIRLLE O ALCALDE, VULNERANDO A LEGISLACIÓN DE RÉXIME LOCAL, A SÚA FORMULACIÓN NO PLENO ORDINARIO CORRESPONDENTE Ó MES DE NOVEMBRO.

Recentemente tivemos coñecemento da adquisición por parte do concello de varios exemplares de carballo, en concreto da variedade quercus palustris, por un importe total de case 8000 €, a un prezo de 470€ cada un, a unha empresa catalana.

En relación con este tema, formúlanse as seguintes preguntas á Alcaldía: 

1ª.-¿Considera a alcaldía que é un gasto absolutamente necesario, especialmente nesta situación de crise?

2ª.- ¿De quen foi a idea?

3ª.- ¿Cal vai a ser o destino seses carballos?

4ª.¿Como se xustifica que se recorra a empresas de fóra de Galicia para esa adquisición?.

           

ROGO QUE PRESENTA O CONCELLEIRO ABAIXO ASINANTE Ó PLENO ORDINARIO DE XANEIRO POR IMPEDIRLLE O ALCALDE, VULNERANDO A LEGISLACIÓN DE RÉXIME LOCAL, A SÚA FORMULACIÓN NO PLENO ORDINARIO CORRESPONDENTE Ó MES DE NOVEMBRO.

No transcurso do pleno ordinario do mes de novembro, a alcaldía queixouse repetidas veces de que na zona rural se levaba ós contedores demasiada cantidade de lixo que non debería levarse e que facía moito mais custosa a recollida do lixo. Se ben é certo que nalgúns casos se produce iso con determinados restos  de residuos agrícolas e forestais, tamén é certo que acaban nos contedores de lixo gran cantidade de papel, de cartón e de vidro que deberían estar nos contedores específicos de papel e de vidro se realmente existiran na zona rural. En consecuencia, e coincidindo coa necesidade de concienciar a toda a vecindade da necesidade de levar ó contedor a mínima cantidade de lixo posible, resulta absolutamente necesario nesa liña de dotar a todas as zonas rurais que non dispoñan deles, de contedores de papel-cartón e de vidro, para que se poida facer a recollida selectiva deste tipo de lixo, reciclala e en definitiva reducir a cantidade de lixo que vai a Sogama. Por todo o exposto, formúlase á Alcaldía un ROGO para que se dote ás zonas rurais, á maior brevidade posible de contedores de cartón e de vidro.

  

Asdo.: J.A.Cristóbal Fernández Vázquez