OS SOCIALISTAS DENUNCIAN O “SAQUEO DE GAIA” NO LALIN ARENA CON CRESPO DE COLABORADOR NECESARIO

-      “ Devolvéronlle á empresa un aval de 346 mil euros e cambiarono por un de 11 mil, agora quen vai pagar os desperfectos” pregúntase gonzález Aller.

-      “Crespo tarballa para Gaia: Pagoulle o máximo posible por un edificio desfeito en 5 anos, están roubando aos lalinenses” sinalan dende o PSdeG-PSOE local.

 “SAQUEO” é a palabra usada polos socialistas lalinenses para definir todo o que está ocorrendo na resolución do contrato de Gaia Lalín Arena co Concello de Lalín. “Estamos ante un saqueo dos cartos dos lalinenses con Crespo de colaborador necesario, é un auténtico atraco o que está pasando” denuncia González Aller.

 “Ninguén pode entender que se resolva o contrato polo máxima cantidade posible sen negociar á baixa nun edificio cheo de deficiencias, é como comprar unha casa vella e pagar por unha recén construída” argumenta González Aller. Os socialistas lembran que pola compra do Lalín Arena pagáronse casa 8 millóns de euros aumentando en mais de 4 millóns a débeda municipal.

 Pero a maior gravidade do asunto nesta situación actual para os socialistas está en que “recentemente lle devolveron a Gaia un aval de 346 mil euros e cambiaronllo por outro de 11 mil,polo tanto as garantías actuais non dan para reparar nin por asomo ningunha das deficiencias graves” e todo isto “feito con alevosía e cambiando as garantías a sabendas das deficiencias previas pois xa foron definidas en informes técnicos previos”.

 A incógnita para os socialistas radica en “quen vai forzar agora a Gaia a reparar as deficiencias? Quen se vai facer cargo de arranxar a cuberta? Pois á vista da situación a Gaia convenlle deixar o Arena desfeito pois so perderá 11 mil euros e fará un negocio redondo gracias a que o PP llo permiteu por unanimidade en Comisión de Goberno do 18 de novembro de 2013”

 González Aller denuncia tamén que antes de devolver o aval de 346 mil euros Crespo manifestou en Pleno que “se non facían as obras pertinentes serían feitas con eses cartos do aval que daban para moito, pero o certo é que posteriormente devolveullo e agora é dunha cantidade ridícula”.

 Segundo os socialistas Crespo plantexoulle a Gaia un negocio redondo polo Lalín Arena a costa de arruinar aos lalinenses “pagar millóns e millón de euros por un edificio ruinoso en so 5 anos de idade ,cheo de deficiencias e devolverlle á cocnesionaria ás garantías polas que podería executar as reparacións, un engano masivo e ruinoso que so pode atender a intereses escuros do alcalde”.”Crespo traballa para Gaia e non para os lalinenses” sentencia González Aller.

 Os socialista lembran que a fianza de 346 mil euros era pola totalidade da concesión “e debeuse manter así á vista dos desperfectos brutais e a pesares de todo cambiarona por un aval que so cubría os 3 meses de concesión que quedaban, un atraco que agora haeremos pagar os cidadáns”