OS SOCIALISTAS DE LALÍN ANUNCIAN A RENUNCIA DE BEATRIZ GARCÍA IGLESIAS COMO CONCELLEIRA

 

-      O PSdeG-PSOE local lamenta a súa marcha e valora o seu traballo durante os sete últimos anos.

-      A súa sustituta será a seguinte da lista,Marina Ferreiro da parroquia de Botos.

 O PSdeG-PSOE anunciou hoxe a marcha da concelleira Beatriz García Iglesias, renuncia que se produce por motivos persoais . “Lamentamos que se produza despois dun traballo de case sete anos que valoramos moito,ímola botar de menos” sinalou o voceiro socialista Manuel González Aller.

 Os socialistas consideran que “sen dúbida foi unha boa concelleira, pero motivacións persoais fan que teña que abandoar antes de que remate a lexislatura, está claro que non buscou aferrarse a ningún sillón como fan moitos políticos”.Dende o PSdeG-PSOE aclaran que contan con Beatriz García para seguir colaborando aínda que non sexa como concelleira pois valoran as súas capacidades e aptitudes.

 A chegada de Beatriz García Iglesiás á política lalinense prodúzose no ano 2007 ao ser a número 2 da lista na que era cabeza de lista o actual voceiro socialista lalinense. Beatriz García destacouse no Concello de Lalín por levar asuntos moi próximos ao sentir da veciñanza e de clara motivación social, de tal xeito que a súa última intervención no Concello será defendendo unha moción en contra da reforma do aborto que pretende o PP.

 A sustituta de Beatriz García Iglesias será Marina Ferreiro Rodríguez ,que ía en quinta posición nas listas do 2011, como indican os socialistas “non houbo ningún problema para a sustitución pois entra a seguinte da lista e Marina aceptou con moitas ganas, sabemos que tamén será unha digna concelleira”.

 A previsión dos socialistas locais é que Beatriz García Iglesias abandone o Concello no vindeiro Pleno do próximo luns e que Marina Ferreiro poida incorporarse xa para o pleno de Febreiro.