O PSDEG-PSOE DE LALÍN CONSIDERA “BOCHORNOSO QUE CRESPO FAVOREZA A UNIVERSIDADES PRIVADAS DO OPUS DEI NO NOME DE LALÍN”

“Crespo sitúase con aqueles que pretenden obrigar a que as mulleres teñan fillos con malformacións” sinala González Casares.

• O Grupo Municipal Socialista de Lalín solicitará de inmediato o convenio asinado.

Os socialistas lalinenses ven bochornoso e revelador que “Crespo vaia a Madrid a asinar convenios e prebendas cunha Universidade privada do Opus Dei no nome de Lalín”. Para os socialistas resulta “moi clarificador que Crespo elixa a universidades privadas do integrismo católico mais reaccionario antes que as universidades públicas,non so galegas (non hai convenio con A Coruña) se non utras estatais de gran prestixio”.

“A propietaria do CEU San Pablo é a Asociación Católica de Propagandistas,polo que queda clara a liña ideolóxica que defende o alcalde” sinala González Casares quen lembra “que Crespo foi a apoiar a antiabortistas antes que debatir en Lalín sobre a reforma do aborto, xa saebmos cal é a súa oposición”.

“Crespo sitúase con Gallardón e aqueles de posicións reaccionarias que pretenden obrigar ás mulleres a ter fillos con malformacións” senuncia o Sº Xeral do PSdeG-PSOE de Lalín e afirma “que é evidente que marcou distancia con outra xente do seu partido mais moderada pois en A Estrada votaron polo consenso na reforma do aborto mentras en Lalín alinearonse coas teses do bando nacionalcatólico”.

Por outra banda dende o PSdeG-PSOE afirman “descoñecer o ineterese real para Lalín da sinatura do convenio,salvo para poñerlle a capa de comendador a algún novo papador da curia católica” e sinalan que o Grupo Municipal Socialista pedirá de inmediato o convenio asinado para ver con detalle o contido e comparalo co de outras universidades públicas.