OS SOCIALISTAS CONSIDERAN QUE CRESPO FOI DESAUTORIZADO POLO SEU PARTIDO NAS DEMANDAS POLA REBAIXA DA AP-53

-      O PSdeG-PSOE mostra unhas respostas do Senado nas que Fomento nin secunda nin coñece as intencións de rebaixar á peaxe.

-      “Crespo non se atreve a erguer á voz á Ministra de Fomento a pesares de ser deputada por Pontevedra” lamenta González Aller.

 Os socialistas deron a coñecer hoxe as repostas* a unhas preguntas feitas pola senadora Paula Fernández Pena en relación a toda a problemática relativa á AP-53. A silledense realizou estas preguntas polo mes de outubro polo interese no asunto de todo o PSdeG-PSOE comarcal e acaba de obter resposta por parte de Fomento recentemente. Nesas cuestións formuladas ,Fernández Pena, pregúntalle ao Goberno Central polo traspaso da AP-53, por unha posible rebaixa de prezos na peaxe e tamén pola problemática producida na concesionaria polo ERE aos traballadores da mesma.

 Nas respostas obtidas é evidente para Fernández Pena e para o voceiro lalinense, Manuel González Aller, que ningunha das propostas que aprobou o Pleno de Lalín nin das que foron formuladas polo alcalde José Crespo están tendo acollida por parte do goberno do PP. “Está claro que Crespo está sendo desautorizado polo seu partido e que en Madrid non lle están facendo ningún caso, pois parece evidente que é unha persoa desautorizada para este asunto, xa que aplaudía e cotrou a cinta que sellaba unha peaxe indigna contra todos os lalinenses” afirma González Aller.

 Como relata Fernández Pena “en Fomento non din nada en relación ao traspaso, fan como se non existira esta problemática e ademais non queren saber nada de rebaixar ou modificar a peaxe e póñense do lado da concesionaria”. Para os socialistas a posición do PP neste asunto resulta lamentable “aquí prometen en eleccións á rebaixa pero gobernan en Madrid e Santiago e miran para outro lado, están enganando vilmente aos cidadáns”.

 “Crespo non se atreve a erguer a voz contra a ministra Pastor por iso non aceptou a nosa proposta de ir a Madrid xuntos a entrevistarnos con ela” indica González Aller quen sinala ademais que “está caladiño e manso, xa non pon pancartas e nin se atreve a rechistar a unha ministra que é deputada por esta provincia e sobre a cal non parece ter absoluta influencia, é lamentable como deixa de interesarse polos lalinenses e sí responde mansamente á autoridade do seu partido”