-
Os
socialistas lamentan que se repitan “problemas reclamados polos veciños hai
tempo e coñecidos polo alcalde”.
-
O Grupo
Municipal Socialista levara o asunto ao Pleno do Concello
Os socialistas lalinenses a través
dos concelleiros Beatriz Iglesias e Francisco P. Donsión, denunciaron hoxe os
desbordamentos producidos no Río Mosqueiros en A Laxe.
Segundo os socialistas trátase da consecuencia
“non so da crecida do río se non da nefasta política de obras públicas levadas
a cabo polo Goberno Municipal que se poñen de manifesto en canto chove un
pouco” e lembran que “estas inundacións son bastante frecuentes e o Concello de
Lalín mira para outro lado,sabendo que ese regato recolle agora as augas
provintes das canalizacións da AP-5 e do Polígono Lalín 2000”.
Como din dende o Grupo Socialista “este
problema é ben coñecido polo alcalde e polo concelleiro do rural, xa se
reclamou en ocasións por parte dos veciños que se tomaran medidas pero o único que fan é
poñer parches que non solventan nada”.
Como se pode ver nas imaxes que acompañan a
nota, a auga desbordouse do río e afectou as casas próximas e a galiñeiros e
outras dependencias, ademais de cubrir as calzadas da zona e chegar ata o
Albergue de Peregrino de A Laxe.
Os socialistas reclámanlle ao alcalde que “ se
deixe de xogar a criar novas razas de porcos
e se centre de verdade nons problemas dos veciños, que non é todo
derramar o diñeiro no Lalín Arena, hai outras prioridades da vida diaria que
hai que atender”
No hay comentarios:
Publicar un comentario