- “Se non é capaz de negociar con Augas de
Galicia do seu mesmo signo político mellor que abandone a súa dedicación
exclusiva” afirman os socialistas lalinenses.
- “Os veciños o que queren son solucións e non
inundacións” lamentan os concelleiros do PSdeG-PSOE
Os socialistas lalinenses cargaron hoxe contra
“as excusas de mal pagador do concelleiro Antonio Rodríguez” polas súas
declaracións relativas ás recentes inundacións producidas no lugar de A Laxe en
Bendoiro e que se repiten de xeito frecuente.
Dende o PSdeG-PSOE lamentan que “so saben
botarlle as culpas a Augas de Galicia e non asumen a súa propia inutilidade pois
nin tan siquera son quen de negociar ou acordar cun organismo que depende da
Xunta e que son da mesma cor política”.
Para os concelleiros socialistas Beatriz
García e Francisco Donsión “se coa súa dedicación exclusiva non é capaz de
solucionar estes temas será mellor que a abandone e teña vergoña de cobrar por
non facer nada polos veciños” e afirman que “se é certo o que di de Augas de
Galicia o que queda claro é a falta de peso político instalada hoxe no Concello
de Lalín,pois a Consellería está ocupada polos populares “ e afirman que “o
conselleiro do ramo, Agustín Hernández, a Crespo e os seus concelleiros como
Rodríguez so os quere para que inviten a Cocidos,pois logo non fai nada por
Lalín”.
Os socialistas insisten en que “o Concello
debe mostrar verdadeira vontade en resolver o problema e non botarlle a culpa a
outros organismos ou a que os veciños son reinvindicativos,pois están no seu
dereito ao ver que se lles inundan as casas”
No hay comentarios:
Publicar un comentario